كشفت الفنانة ياسمين عبد العزيز، عن قربها لله خلال الفترة الماضية، وتأديتها للعمرة، وذلك خلال برنامج معكم مع منى الشاذلي، عبر شاشة اون.

تصريحات ياسمين عبد العزيز

وقالت الفنانة ياسمين عبد العزيز، وفقا لما رصده موقع تحيا مصر، في تصريحاتها خلال برنامج معكم منى الشاذلي: بحب أزور الكعبة ومن بعد ما تعبت قربت من ربنا اكتر وتفكيري كله اتغير، ومش محتاجة اروح أعمل عمرة عشان أدعى انا طول الوقت بتكلم معاه،  معرفش الناس بتاكل في بعض ليه، ليه بنأذي في بعض هنستفيد اي، أنا السنة دي ميتلي خمس أشخاص قريبين مني مفيش حاجة مستاهلة.

ياسمين عبد العزيز: انا لا يمكن أذي مخلوق وبخاف من ربنا

وتابعت: لازم كل فترة تبقى قريبين من ربنا حتى وانا بشتغل، ساعات بقعد اقول وبعدين هو انا هكمل كدة،  وسألت منى الشاذلي،  ياسمين عبد العزيز: عندي معلومة انك في العمرة كنتي بتدعي لناس مكنتيش عارفة انك ممكن تدعيلهم تاني، وعندك روح تسامح ومفيش ضغينة جواكي، لتجيب عليها ياسمين عبد العزيز: ده عيب اللي صحبته تبقى مذيعة.. انا لا يمكن أذي مخلوق أنا بخاف ربنا.

وأضافت:  أنا خسرت أكتر ما كسبت ودخلت 2025 وانا واحدة جديدة، وتسألها منى الشاذلي: في حاجة كسرتك يا ياسمين؟، لتجيب عليها ياسمين عبد العزيز: محدش يقدر يكسرني كسر رقبته ورقبة اي حد يحاول يكسرني.

سعر فستان ياسمين عبد العزيز في حلقة منى الشاذلي

واختارت ياسمين عبد العزيز فستانًا فاخرًا، من تصميم دار الأزياء الإيطالية الشهيرة Dolce&Gabbana، بقيمة HK$27,500، ما يعادل 168,000 جنيه مصري، ليعكس أسلوبها الراقي وشخصيتها المرحة في الوقت ذاته، الفستان مصنوع من الساتان الفيسكوزي المرن بطبعة الورود الكلاسيكية، وهو تصميم مثالي للمناسبات الأنيقة، حيث يجمع بين البساطة والفخامة في آن واحد.

يتميز الفستان بقصة ضيقة تبرز قوام ياسمين بشكل راقٍ، مع حزام واحد يحدد الخصر، وأكمام طويلة تُغلق بسحّاب خفي لإضافة لمسة من الرقي والنعومة، كما يتميز الفستان بخط عنق منخفض يبرز أناقة الصدر، وفتحة صغيرة في أسفل التنورة تمنح حرية الحركة وإحساسًا بالأنوثة، الطول الخلفي للتنورة من الخصر يصل إلى 80 سم، والفستان مبطن بالكامل ما عدا الأكمام، ليضمن الراحة أثناء الجلوس والحركة.