كشف الفنان أحمد عزمي عن حالته خلال الفترة التي ابتعد فيها عن الساحة الفنية، وذلك خلال استضافته مع إسعاد يونس في برنامج صاحبة السعادة عبر شاشة قناة dmc، وتحدث الفنان أحمد عزمي عن والدته الراحلة وسبب شعوره بالذنب تجاهها.
أحمد عزمي: كلام الناس كان بيوجعني.. وكنت حاسس إني شايف ضباب
أشار أحمد عزمي إلى الفترة التي ابتعد فيها عن الساحة الفنية وذلك خلال لقائه في برنامج صاحبة السعادة مع إسعاد يونس، ووصف الفنان أحمد عزمي الحالة التي كان يمر بها وكأنه كان يبتعد عن العالم حتى بدأ يرى ضباب، وقال أحمد عزمي في تصريحاته التي يرصدها موقع تحيا مصر: “الفترة دي كنت حاسس إني جوا مركب وشايف الاعمال وشايف اني في مركب بتبعد لحد ما بقيت شايف ضباب حاسس اني عايز ابقى موجود واحقق حاجة حاسس إنه عندي مسؤوليات كبيرة، تراكم الناس في الشارع الكلمة اللي كنت بحبها زمان بقت توجع انت فين عايز اشوفك وحسيت اني مش هعرف ارجع ومفيش طريقة ارجع كل ده خلاني اكتب الحالة اللي حاسس بيها”.
أحمد عزمي عن وفاة والدته: دعائها مستمر معايا..ورجوعي للشغل حسيني إنها بتطبطب عليا
استكمل الفنان أحمد عزمي حديثه مشيرًا إلى والدته التي رحلت عن عالمنا، وتحدث عن تفاصيل وفاتها وسبب شعوره بالذنب تجاه وفاتها، وقال أحمد عزمي: “أمي لما ماتت بقى عندي احساس إني اتحرمت من الدعوة بتاعتها، هي اللي حفظتني بنفسها صورة ياسين كاملة وفي الأيام الأخيرة كنت بقوم وقت الفجر أصلي وأقرأ سورة ياسين على روحها، ولما حصل البوست وردود الأفعال عليه لقيت نفسي بكلمها وبقولها انتِ لسه موجودة وكنت حاسس إني تعبان وكأنها خدتني في خضنها وبتطبطب عليا”.
أحمد عزمي: حسيت بالذنب وإني السبب في وفاة أمي.. وقررت مشربش تاني عشانها
كنت حاسس بالذنب لما اتوفت عشان لما كنت محبوس ولما خرجت من السجن أختي الكبيرة قابلتني وقالتلي عايزاك تدخل بس متتخضش هي من كتر الزعل تعبت أوي وكان جسمها وشكلها تعبان مسكت نفسي بالعافيه وخدتها في حضني، ودي كانت أواخر أيامها وخدت قرار إني مش هشرب تاني ومر 6 شهور أختي كلمتني قالتلي هي فاتحة عنيها بس مش عارفانا ولازم تيجي هي في آخر أيامها، شوفنها وبعدها بنص ساعة اتوفت وكنت حاسس إني زعلتها بعد ما كانت وردة بتحب الدنيا".
