كشف الفنان إسلام جمال، عن أول لقاء جمعه بزوجته، مشيرا إلى أن أول لقاء بينهم كان صدفة في الجيم عن طريق أصدقاء مشتركين.

وأضاف إسلام جمال، خلال استضافته في برنامج «الستات ميعروفش يكدبوا» المذاع عبر شاشة سي بي سي: «قابلت مراتي في وقت كنت فاضي فيه عاطفيا وكمان معنديش شغل وعرفت أركز في الموضوع جدا».

وتابع: «أنا بعتبرها أول حب فعلا وأول كل حاجة وهي دي نصيبي اللي ربنا بعتهولي وسعيد بيه جدا، خصوصا إن أنا حاوبت أتجوز قبل كده لكن ربنا موفقش ده نصيب».

وعن رأيه في «جواز الصالونات»، قال إسلام جمال: «أنا مقبلش ولازم أحب الشخص وقلبي يتحرك، لكن ممكن حد تاني يقبل، يعني هي بتختلف من شخص لشخص».