تحدث الفنانة ياسمين عبد العزيز، عن العديد من التفاصيل عن حياتها الشخصية خلال الفترة الماضية، وذلك خلال لقائها في برنامج معكم مع الإعلامية منى الشاذلي.

تصريحات ياسمين عبد العزيز

وقالت الفنانة ياسمين عبد العزيز، عن تفاصيل حياتها خلال الفترة الماضية، وفقا لما رصده موقع تحيا مصر، خلال لقائها في برنامج معكم منى الشاذلي: في حد علمني اني مثقش في أي مخلوق غير ربنا ولازم أحب نفسي.. أنا عايزة أدي لياسمين وأبسطها، أنا وقتي لشغلي وولادي ومبسوطة كدة.. وياريت البنات متتجوزش، وندمت على حاجات كتير ومش عيب أما الواحد يقول كده ده مش ضعف ده قوة.

وتابعت: ومش اي حد لازم تكوني جدعة معاه والفترة اللي فاتت دي كلها خدت فيها دروس،  زمان كنت بفكر بقلبي بس وبتعامل معاه مع كل الناس لحد ما طول الوقت خبطات لكن بقوم وبشتغل وبكمل فمحدش حاسس.. الواحد لازم يبقى قوي مينفعش حد فيها يبقى ضعيف ومش بسيب نفسي  للانهيارات مش باخد فيها وقت وميفنعش اكمل فيه لأني عندي ولاد وجمهور وشغلي.

ياسمين عبد العزيز: محدش يقدر يكسرني وهعامل كل واحد بنفس طريقته

وأضافت: محدش يقدر يكسرني أنا مبتكسرش، الزمن ده مفهوش حب ولو حصل وارتبطت مش هخرج حياتي الشخصية برة، انا مبسوطة مش زعلانة.

واستكملت: الواحد ساعات بيقول هو ازاي وافق بالجرح ده فيه حاجات وافقت بيها ضرتني لو كنت قولت لا مكنش كل ده حصل.. كلمة لا ساحرة، كنت بستجدع مع أي حد واكتشفت أنه ده مش صح مش كل الناس يستاهلو ده، بقيت أنانية شوية لنفسي كنت بدي كل اللي حوليا معادا أنا وقولت خلاص كفايا لازم احب ياسمين ومش هتخلى عن الجدعنة ولكن هعامل كل واحد بتفس الطريقة.

سعر فستان ياسمين عبد العزيز في حلقة منى الشاذلي

واختارت ياسمين عبد العزيز فستانًا فاخرًا، من تصميم دار الأزياء الإيطالية الشهيرة Dolce&Gabbana، بقيمة HK$27,500، ما يعادل 168,000 جنيه مصري، ليعكس أسلوبها الراقي وشخصيتها المرحة في الوقت ذاته، الفستان مصنوع من الساتان الفيسكوزي المرن بطبعة الورود الكلاسيكية، وهو تصميم مثالي للمناسبات الأنيقة، حيث يجمع بين البساطة والفخامة في آن واحد.