حرصت الإعلامية نهال طايل على دعم محمد صلاح، نجم منتخب مصر وفريق ليفربول الإنجليزي، وذلك بعد الأزمة التي يواجهها مع مدرب فريقه آرني سلوت، مؤكدة أنه فعل المستحيل ليصبح أيقونة لكل الشباب في الوطن العربي.
نهال طايل تدعم محمد صلاح: عمل المستحيل عشان يبقى أيقونة للشباب
وقالت نهال طايل خلال تقديمها برنامج تفاصيل المذاع على قناة صدى البلد 2، في تصريحات رصدها موقع تحيا مصر: "في زمن قل فيه اللي يفرح الناس طلع لينا محمد صلاح ابن بلادنا، محمد صلاح عمل المستحيل ليصبح أيقونة لكل شباب مصر والوطن العربي، ورفع اسم مصر وحكى عن عظمة الفراعنة".
وأشارت نهال طايل، إلى أن محمد صلاح ليس مجرد لاعب بل هو أسطورة كبيرة كتب اسمه بحروف من ذهب في ملاعب أوربا، مردفة أنها توجه له تحية كبيرة على ما حققه من نجاحات كبيرة في أنحاء الوطن.
نهال طايل عن محمد صلاح: مش مجرد نجم ده أسطورة
وأضافت نهال طايل: تحية كبيرة للأسطورة الكبيرة محمد صلاح الاسم اللي بيتقال بنفهم أن الحلم مش بعيد وأن الطريق مهما طال لازم توصل هو مش مجرد نجم عادي.
وأختتمت نهال طايل حديثها قائلة: محمد صلاح بدأ من الصفر ونجح واستطاع أن يلمس السماء بالصدق والعزيمة والإصرار.. هو اللي قال ده وحبينا نقول كده في أزمة كبيرة جداً بيمر بيها الأسطورة محمد صلاح بنقوله فاكرينك وعارفين أنت بتعمل إيه.
نجوم الفن يدعمون محمد صلاح
وحرص عدد كبير من نجوم الفن على دعم محمد صلاح في أزمته الأخيرة، فقالت منى زكي: " فخورين بيه وكلنا بنشجعه واللي قاله نابع من حبه لشغله ودافع كبير أنه يثبت نفسه"، بينما قال سيد رجب: "أيقونة الشعب المصري والعربي ويارب نشوفك تاني واحنا وراك في أي فريق".
بينما كتب الفنان محمد إمام عن محمد صلاح: “محمد صلاح من أهم وأحلى الحاجات اللي حصلت في تاريخ مصر.. متابعين بعض من زمان بس أول مرة هقوله الكلام ده بحبك جدًا وبفتخر بيك في كل حته، ربنا يحفظك ويوفقك دايمًا”.
0 تعليق