أقيمت منذ قليل ندوة حوارية لـ الفنانة مي عمر ضمن فعاليات مهرجان البحر الأحمر السينمائي الدولي بدورته المقامة حاليا في جدة، وتحدثت خلاله بالعديد من الأشياء الهامة، على رأسهم تعاونها مع المخرج محمد سامي في عدد من الأعمال الفنية وحبها لهذا التعاون.
مي عمر: بحب أشتغل مع محمد سامي وبنحلم بالعالمية
وقالت مي عمر في تصريحات رصدها موقع تحيا مصر، بشأن اعتزال محمد سامي الاخراج في فترة ما: محمد بقاله سنين كتير بيشتغل وتعب لما عمل مسلسلين 30 حلقة في رمضان الماضي، وهما إش إش وسيد الناس، وكنت حاسة انه مش هيستمر في قراره بالحصول على هدنة فنية لأن عنده طاقة وموهبة كبيرة، انا بحب أشتغل مع جوزي محمد سامي ومش عارفة هو بيحب ولا لأ.. في بداية جوازنا اتصورت معاه بتمثال أوسكار بلاستيك وبنحلم نوصل للعالمية.
مي عمر: التمثيل حلمي من الطفولة
وعن دخولها مجال التمثيل، قالت مي عمر: عارفة إني عايزة أمثل من وأنا صغيرة، التمثيل حلمي من الطفولة ولما دخلت الجامعة كان صعب على أهلي أقولهم عايزة أدرس تمثيل، بحكم إننا في مجتمع عربي، ممكن يوافقوا تمثل بس إنك تدرس تمثيل يرفضوا، وبيطلبوا تدرس حاجة تانية، فاخترت أدرس إعلام حاجة قريبة من الفن، لما درست إعلام واشتغلت في الأول كمنتجة ده فادني في شغلي.
وعن مقياس نجاحها، قالت مي عمر: السوشيال ميديا مش مقياس بالنسبة لي.. دول ناس مستخبية ورا الشاشات، لكن مقياسي الحقيقي هو الجمهور في الشارع والجمهور اللي على صفحاتي.
مي عمر تطمئن الجمهور: طاقة محمد سامي مش هتخليه يعتزل
وعن اعتزال محمد سامي، قالت مي عمر أنه بذل جهد كبير في رمضان المنقضي بعمل مسلسلين 30 حلقة، ما جعله يشعر أنه يريد أن يأخذ راحة، متابعة: " محمد سامي فنان حقيقي وعنده موهبة كبيرة جدا والطاقة اللي جواه عمرها مع هتخليه يعتزل.. هو بيقولي وببقى عارفة أنه مش هيعمل ده"، ليرد محمد سامي مازحا: "يعني كنتي بتاخديني على قد عقلي".
يذكر أن مي عمر تستعد للمشاركة في رمضان 2026 من خلال مسلسل الست موناليزا، بتوقيع السيناريست محمد سيد بشير، والذي انطلق تصويره منذ أيام، ومن المتوقع أن يحقق نجاحات كبيرة خلال فترة عرضه.
0 تعليق