تحدثت الإعلامية بسمة وهبة عن عدد من القضايا التي أثارت جدلا واسعا في الفترة الماضية، على رأسهم إساءة الفنانة مايا دياب إلى المصريين أثناء دفاعها عن الفنانة دينا الشربيني، حيث قالت لهم "اخرسوا".

بسمة وهبة ترد على إساءة مايا دياب للمصريين 

وقالت بسمة وهبة في لقاء تليفزيوني له، رصده موقع تحيا مصر:  مقابلش أن حد يغلط في أي مصري ولا مصري يغلط في لبناني، اخرسوا دي متتقالش لمصريين اتكلمي في محدود قدراتك، بلد في حجم مصر متهاجمهاش ولا تتطاولي عليها.

وأضافت:  مش هقبل حد يجي على رئيس دولتي.. وشيخ الأزهر حبيبي وخط أحمر..

بسمة وهبة عن اساءتها لـ دينا الشربيني: مذكرتش اسمها 

وعن سبب ضيف دينا الشربيني من تصريحاتها الأخيرة، قالت بسمة وهبة: أنا مذكرتش اسمها، أنا قولت في ستات مبتحبش إلا الرجالة المتجوزة ودي حاجة موجودة كتير، مجتش سيرة دينا الشربيني في حاجة، خادتها على نفسها ليه؟، معرفش هي خدتها ولا لا بس هما بيقولوا، أنا معرفش دينا الشربيني ولا كريم محمود عبد العزيز معرفة شخصية، لكن أعرف آن.

وأكدت ات الخيانة خطأها الرجل والمرأة الاثنين، ولا يجب عن يحمل واحدا الخطأ بمفرده.

بسمة وهبة تدعم آن الرفاعي بعد طلاقها من كريم محمود عبد العزيز 

من ناحية أخرى، كانت بسمة وهبة قد دافعت عن آن الرفاعي بعد طلاقها من كريم محمود عبد العزيز، قائلة: متتفرجيش على الفيلم مرتين وتفتكري النهاية هتكون مختلفة، المفروض تكوني عارفة أن الرجعة كان ليها مصلحة وانتي عارفة اي المصلحة وخلصت ومعلش في ستات مقرفة مبتحبش غير الحاجة اللي مش بتاعتها مبتحبش الا الراجل اللي مش بتاعها واللي متجوز، اتفرجي عليهم نهايتهم هتبقى عاملة ازاي عشان ظلموكي.. نجوم مصر كلها حباكي وواقفة معاكي وانتي بنت ناس ومتربية.

أما عن مايا دياب، فكانت قد دافعت عن دينا الشربيني، قائلة: دينا بنت مفيش منها ومتربية وبنت ناس ومش بس هي اللي اتضايقت، عيلتها كمان اتضايقوا، وكل محبيها، انتو مش عارفين الحقيقة ولا تستاهلوا تعرفوها، كفاية عليكم تسكتوا.