حل الفنان هشام جمال ضيف على برنامج صاحبة السعادة والذي تقدمه الإعلامية إسعاد يونس على شاشة قنوات dmc، وتحدث خلاله عن تفاصيل إلغاء خطوبته وسبب التعجيل بعقد قرانه، واستعانته بكابتن محمود الخطيب  للشهادة على عقد قرانه وغيرها من التصريحات.

وفاة المنتجين الأربعة سبب إلغاء خطوبة هشام جمال وليلى زاهر 

تحدث هشام جمال عن سبب إلغاء الاحتفال بخطوبته على ليلى زاهر، قائلا إن قبل الخطوبة بيومين توفى المنتجين الأربعة في حادث سير مروعة، الأمر الذي جعل ليلى تطلب منه أن يتحدث مع المعازيم ويلغي حفل الخطوبة، موضحا: "كلمت أهلها وقولتلهم هنلغي الخطوبة ولكن هنستعجل في كتب الكتاب والفرح شوية، وده كان أحسن قرار خدته بعد كدة".

وعن لحظة عقد قرانه، قال هشام جمال: "كنت مبسوط ومش مصدق نفسي، وحبيت محمود الخطيب يشهد على عقد قراني عشان تكون لحظة مميزة وذكرى متتنسيش أنه حد بحجمه هو اللي كان شاهد على عقد القران وأنا بعتبره والدي التاني".

هشام جمال: عياط ليلى في الفرح بوظ المكيب وعمل أزمة 

ثم تطرق هشام جمال بالحديث عن حفل زفافه، قائلا: "كان هدفى أعمل لـ ليلى زاهر  فرح تكون مبسوطة بيه، وحاولت أعمل حاجة شبه المكان اللى كانت عايزاة، لأنى لما رحت أحجز فيه لاقيته مغلق، والحمد لله الفرح عجبها وعجب الناس، وعملنا فيه المرضى بالنسبة لنا وشبهنا وشبه أهالينا، وهي بسيطة والفرح كان شبه الناس.

وأضاف هشام جمال عن محاولته تجنب بكاء ليلى زاهر في حفل الزفاف: الأغنية بتاعتي أنا وليلى كان فيها تفاصيل كتير، وكنت بحاول أخليها تركز في الكلمات علشان متعيطش، لكن فشلت، وكل اللي اتفقنا عليه في البروفات ما اتعملش، وكان بعدها أغنية بنت أبويا، وعياطها بوظ الميكب وحصل أزمة.

هشام جمال: الناس بيوصوني على ليلى في الشارع 

واختتم هشام جمال حديثه: ليلى كبرت قدام الناس فى الدراما علشان كانوا بيشوفوها دايما صغيره فبيوصونى عليها لما بيشوفونى فى الشارع، ويقولولى  خلى بالك منها.

يذكر أن تلك المرة الثالثة التي تستضيف فيها اسعاد يونس للنجمين ليلى زاهر وهشام جمال، حيث كانت المرة الأولى بعد نجاح مسلسل في بيتنا روبوت، والثانية بعد خطوبتهما ، وتلك المرة بعد زواجهما.