تحدث رجل الأعمال نجيب ساويرس على أهم ما يميز مهرجان الجونة السينمائي تلك الدورة عن غيرها من الدورات الأخرى، مشيرا إلى أن إقامة مهرجان بحجم مهرجان الجونة صعب ومكلف ولا يوجد مقارنة بينهم وبين المهرجانات الأخرى.

نجيب ساويرس: مهرجان الجونة صعب حد يعمل زيه.. الموضوع كبير ومكلف 

وقال نجيب ساويرس في لقاءه مع الإعلامية بوسي شلبي والذي رصده موقع تحيا مصر: أفلام كتير مشاركة في مهرجان الجونة السينمائي واخدة جوائز قبل ما تجيلنا، أو جاتلنا وبعدين خدت جوائز، كل سنة ده بيحصل والإقبال على المهرجان بيزيد والجودة بتاعة المشاركين بتعلى، مهرجان الجونة بقى زي منبر لصناعة السينما، نسيبنا من الهيافات والكلام الفارغ بتاع الفساتين، صناعة السينما بتيجي هنا بتلاقي نفسها، في حراك دائم والصناع الحقيقيين موجودين هنا.

وأكد نجيب ساويرس أن إقامة مهرجان بحجم مهرجان الجونة صعب ومكلف للغاية، موضحا: أنا بعمل المهرجان علشان بحب السينما، الفلوس متفرقش لأن مين يقدر يعمل زي الجونة تاني؟، المنافسة كويسة ولكن لما حد بيقولي ننافس الجونة بيبقى صعب.

كلمة نجيب ساويرس في حفل افتتاح مهرجان الجونة 

وكان قد قال نجيب ساويرس في كلمته في حفل افتتاح مهرجان الجونة السينمائي: عملنا المهرجان السنة اللي فاتت في حالة حزن عشان اللي كان بيحصل في غزة لكن النهاردة من حقنا نفرح مع السلام اللي حصل ومبسوطين أن مصر قيمتها بانت وبتبان في المواقف الصعبة واللي يزعل يزعل، السنة دي مصر حظها حلو السلام وكأس العالم وكمان الاقتصاد ماشي كويس فميش أكتر من كدة، وفي ٢ مليون بني آدم مش لاقين أكل، وأهل غزة والسودان والنهادة عايزين نكون فاكرنهم.

أبرز الحاضرين في مهرجان الجونة

يذكر أن مهرجان الجونة السينمائي شهد حضور كلا من النجوم يسرا، إلهام شاهين، هالة صدقي، مايا دياب، يسرا اللوزي، درة، أسماء جلال، أمينة خليل، أحمد حاتم، منة شلبي، حنان مطاوع، خالد المصري، شيرين رضا، أروى جودة، لميس الحديدي، كاملة أبو ذكري، نيللي كريم، شريف منير، هاني رمزي، خالد أبو بكر، نور النبوي، عبير صبري، مي سليم، ميس حمدان، خالد زكي، روجينا، مايا دياب، نيقولا معوض، مايان السيد، عمرو منسي، حسن أبو الروس، نجيب ساويرس، سميح ساويرس، أحمد رزق، جومانا مراد.