قالت والدة محمد مجدي أفشة، أنه سعيدة بنجاح أفشة مع النادي الأهلي بشكل مستمر ودايما بدعي له أن ربنا يكرمه، ويستعرض موقع تحيا مصر تصريحات والدة محمد مجدي أفشة.
تصريحات والدة محمد مجدي أفشة
وأضافت والدة محمد مجدي أفشة في تصريحات تليفزيونية مع الإعلامي أحمد شوبير على قناة الأهلي، أفشة إنسان بسيط وبيحب يكون موجود معانا في البلد، ولما بينزل البلد في رمضان بيسيب البيت ويروح يقعد مع أصحابه ويفرحوا مع بعض ويقولي هما ليهم حق عليا.
وتابعت والدة محمد مجدي أفشة، أفشة كانت أكلته المفضلة الكبدة وأمور عديدة ولكن في الفترة الحالية بيمشي على نظام معين وأنا بحب أأكله بنفسي ودايما بيفرحني وبيفرح الأسرة كلها وأول ما يبص في عيني وبيعملي كل حاجه أنا عوزاها.
وزاد والدة محمد مجدي أفشة، كل النجاح اللي فيه أفشة لأنه إنسان طيب وربنا راضي عليه، وهو حياته كلها في الكورة ومش بيقدر يبعد عنها وهو قريب من ربنا، ومالك ابن أفشة هو حتة من قلبي.
والدة محمد مجدي أفشة مع أحمد شوبير
وأشارت والدة محمد مجدي أفشة، لو حدث زعل بين أفشة وابنه مالك يكون دعمي لمالك عن أفشة، ودعوتي لمحمد أقوله ربنا يزيدك ويحفظك وبدعيله دايما من قلبي وربنا ينجيه من كل شر وربنا يحبب فيك خلقة.
واختتمت والدة محمد مجدي أفشة، حب الناس هو كل شيء لمحمد مجدي أفشة وبتمنى له النجاح دايما مع النادي الأهلي.
