يستعد بيت الشعر العربي، بإدارة الشاعر سامح محجوب، لإطلاق الدورة الثانية من "ملتقى بيت الشعر العربى للنص الجديد"، وذلك خلال يومى 2 و3 مايو، فى إطار استكمال التجربة التى حققت حضورًا لافتًا فى المشهد الثقافى خلال دورتها الأولى.
تمثال عيونه مدمعة .. لـ مصطفى حجاب
زي الشبح ماشي ما بين الناس
دوبلير وجع واصل حواف الروح
أوقات يكون أراجوز
أوقات يكون شخبطة ع الحيط
مش مصاحب غير ضله
بيعيش مشاعره من طرف واحد
تشوف وشه تبص باستغراب
ضحك ده ولا دموع !
بيعري روحه يلاقي فيها
الشيخ حسني، غناوي مسار
السندريللا
كراكيب جاية له من الماضي
البنت اللي شافها عروسة في إيد غيره
مجموع الثانوية
الجزمة الدايبة من كتر اللف ع اللقمة
عمره اللي بعنوان عريض اخترنا لك
لما بيغمض تسأله الأحلام بصبر
امتي تقول لا
امتي هتسبح بحب مش بخوف
مقسوم نصين
نُص بيحارب الدنيا بنُص سلاح
نُص بينه وبين اليأس سنتي
علي كتافُه طير بجناح مقصوص
يهرب في البراح يلاقي البراح محبوس
بس ماشي ببواقي قلب وحبتين فيتامين
عزيمة مهعكة
صوره بتعافر
كأنه تمثال عيونه مدمعه
مصطفى حجاب
0 تعليق