أعلنت المطربة شيرين عبدالوهاب من خلال حسابها الشخصي بموقع تبادل الصور والفيديوهات إنستجرام عن حفل غنائي قريب تستعد له.
تفاصيل حفل شيرين عبدالوهاب القادم
وأشارت شيرين عبد الوهاب على أن يكون الحفل في الكويت يوم 29 نوفمبر المقبل، معلقة:"جمهوري الغالي في الكويت الحبيبة، استنوني يوم 29 نوفمبر، كلي حماس اشوفكم ".
أحدث أعمال شيرين عبد الوهاب
يذكر أن أحدث أعمال شيرين عبد الوهاب أغنية عودتني الدنيا، والأغنية من كلمات أحمد المالكي وألحان تامر عاشور وتوزيع نابلسي،تسجيل، ميكس وماستر خالد سند، وتريات محمد مدحت، جيتار وهارموني أحمد حسين، باص جيتار أحمد رجب، بيركشن ضياء بدر، إدارة انتاج رامز سليمان، تم التسجيل في استوديو TRS.
كلمات أغنية عودتني الدنيا
عودتني الدنيا أخسر.. أخسر
وإن لما أحب حاجة أوام تسيبني
أي لحظة فرح تِقصر
طول حياتي الحزن قاعد بيراقبني
وأما جيت لحياتي قولت الفرحة جاتلي
والسعادة خلاص معايا وقربت لي
بس برده بعدت عني
حلمي راح كالعادة مني
قولت أحب الحزن يمكن
برده زيك هيفارقني
بس دي الحاجة الوحيدة
اللي دايما بتلاحقني
يوم ما جيت وناديت عليا قولت
قدري شايلي حاجة وبيفاجئني
شوفت أجمل دنيا جاية
والنهارده بجد راح اللي مضايقني
لما جيت أنا شوفت نفسي في بكرة أجمل
يا أخيرا عندي حلم خلاص هيكمل
بس برده بعدت عني
حلمي راح كالعادة مني
قولت أحب الحزن يمكن
برده زيك هيفارقني
بس دي الحاجة الوحيدة
اللي دايما بتلاحقني
عودتني الدنيا أخسر.. أخسر
وإن لما أحب حاجة أوام تسيبني
أي لحظة فرح تِقصر
طول حياتي الحزن قاعد بيراقبني.
