علق سيد عبد الحفيظ نجم الفريق الأول لكرة القدم بنادي الأهلي السابق على الواقعة التي تعرض لها ثلاثي الزمالك دونجا وشلبي ومدير الكرة عبد الواحد السيد، وعقوبات اتحاد الكرة التي وقعها عليهم منذ ساعات.
وقال عبدالحفيظ ببرنامج اللعيب مع الإعلامي مهيب عبدالهادي عبر قناة mbc masr: "بالنسبة لما حدث بمباراة الزمالك وبيراميدز ده كان موقف مفيهوش أهلي وزمالك خالص وكان مهم نقف جنبهم وطبعا فيه خطأ حصل لكن في النهاية حصل اعتذار عليه من مجلس الإدارة واللاعيبه والجهاز الفني".
عبد الحفيظ: الموضوع ليس أهلي وزمالك
وأضاف: "الموقف ده مبتتحسبش فيه أهلي وزمالك خالص والموضوع اتحل نتيجة العلاقات الجيدة بين مصر والإمارات وجهود الدولتين وعقوبات اتحاد الكرة الزمالك عايز يحتج أو يقبلهم براحته وهي حصلت معايا شخصيا كتير وقف مباريات ودفع غرامات سواء أنا ولاعيبتي وبتعدي بناءا على تقرير مراقب المباراة".
واختتم: "القرارات بقت بتطلع أسرع وانا مش فاهم هو ده تبع اتحاد الكرة ولا لجنة الانضباط ولكن المهم يكون بصورة أحسن ووقف كهربا وعقوبته وخروجه من المعسكر قبل السوبر المصري وحسام غالي اللي حصل معاه في 2016 كان ايه ما هو تقرير مراقب المباراة والحكم وكذلك حسين الشحات في أزمة الشيبي وسيد معوض اتوقف 8 ماتشات 2017 كان ماتش قدام الانتاج الحربي والحكم محمود عاشور".
