حلت الفنانة نجوى فؤاد ضيفة على برنامج صبرنا ونوايا والمذاع على قناة Ten tv، وذلك للكشف عن تفاصيل خاصة بحياتها الشخصية والفنية وعلاقتها بالرقص وحبها الشديد له، وكيف بدأت مسيرتها الفنية ومن الذي مد لها يد العون في ذلك.
أبرز تصريحات نجوى فؤاد
ورصد موقع تحيا مصر أبرز تصريحات نجوى فؤاد خلال البرنامج والتي أتت على النحو الآتي:
هربت من أبويا وأنا عندي 13 سنة عشان كان عايز يجوزني وروحت القاهرة.
روحت مكان اشتغل فيه وأما اتعرفت على المدير قالي انتي بتعرفي ترقصي وأما رقصتله قالي انتي قنبلة.
أول بدلة أجرتها كانت من نعمة فؤاد وكانت بربع جنيه.
شائعة التأمين على رجلي مش حقيقية ياريتني عملت كدة بدل ما أنا بصرف عليها عمليات كل شوية.. واتوقع الإشاعة دي طلعت عشان رجليا كانت ملفتة.
مكنتش بعرف ارقص لأزواجي ولا اعرف أقول حاجة خارجة وكنت ببقى متدهولة قدامهم.
هنري كيسنجر كان منبهر بيا وعايز يخطبني بس وقتها كنت متزوجة.. واتجوز واحدة شبهي جدا.
هنري كيسنجر كان عامل كتاب عن قصة حياته في مصر وكان كاتب أنه عنده حصانين واحد سماه نجوى والتاني فؤاد ولسة موجودين لحد دلوقتي
أنا بدأت الرقص من هنا وربنا قال وفتحنا لك فتحا مبينا.. اداني نجاح أكثر مما استحق واداني حب الناس.
نجوى فؤاد في برنامج تابوو
وكانت قد تصدرت الفنانة نجوى فؤاد حديث مواقع التواصل الاجتماعي المختلفة بعد ظهورها في برنامج تابوو الذي يقدمه الإعلامي نزار الفارس، حيث كشفت من خلاله العديد من التصريحات الجدلية والتي من بينها: قراءة القرآن بتعلمك تاريخ بلدك وحاجات مخدتهاش في الجامعة.. ولازم كل خميس احط الطرحة واقرأ ساعتين قرآن واصلي ركعتين لله.
وتحدثت نجوى فؤاد عن محمد رمضان، قائلة: محمد رمضان آخره 5 مليون جنيها في اي عمل فني بالكتير أوي يعني.
نجوى فؤاد وسبب اختفاؤها عن الوسط الفني
وتطرقت نجوى فؤاد بحديثها عن سبب اختفاءها عن الوسط الفني، قائلة: بيجيلي أدوار ولكني مش قادرة أقدم عمل جيد وأكون واعية من غير مسكنات وحقن، مش عايزة أتعب المنتج اللي بياخدني أجي أقوله في النص أنا تعبانة مش قادرة أكمل، والفن ولا أي شغلانة مفيش فيها كلمة أنا تعبان.
