سخرت الفنانة عارفة عبد الرسول من خروج عدد من الأشخاص في الفترة الماضية يدعي سرقة عمله الفني وتغيير اسمه وطرحه باسم مؤلفة أو مؤلف غيرهم، مشيرة إلى أنه يوجد عمل فني استخدم بها اسمها دون علمها.
عارفة عبد الرسول تسخر من انتشار أنباء سرقة الأعمال الفنية
وكتبت عارفة عبد الرسول في منشور رصده موقع تحيا مصر عبر حسابه الرسمي بموقع التواصل الاجتماعي فيسبوك د: فيلم وداعا حمدى عاملين فيه الشخصيه الرئيسيه اسمها عارفه هانم...ومافيش فى مصر عارفه غيرى...اخد حقى ازاى..ارفع قضيه واطالبهم بتعويض مادى وادبى ولا اخد حقى ناشف...سؤال للمناقشه.
ورد عليها مؤلف العمل، قائلا: يا استاذة عارفة ، أنا شخص بحب اروح الموالد كتير فكنت بلاقى صور الشيوخ اللي متعلقة على المقامات مكتوب عليها العارف بالله او العارفة بالله فجت منها فكرة لما تحب تمجد حد اديله لقب عارف او عارفة ، وثانيا ودا الأهم أنا بحبك ع المستوى الفنى ، يمكن متقابلناش خالص بس حقيقي أنا بحبك جدا.
عارفة عبد الرسول تؤكد سخريتها من أنباء سرقة الأعمال الفنية
وردت عليه عارفة عبد الرسول، قائلة: دا شرف ليا ان عرفت اخمن صح اصل الاسم جه منين، واتمني نتقابل على خير فى اقرب فرصة ان شاء الله.
هذا وكانت قد احتفلت عارفة عبد الرسول بعيد ميلادها السبعين بطريقة غريبة، حيث كتبت: عرفني الجمهور من أول عمل ليا.. أبواب الخوف إخراج احمد خالد.. بدأ الناس يقابلوني فى المترو عايزين يتصوروا معايا.. قولت بس البليه لعبت.. قامت ثوره يناير اتعطلت كتير ورجعت من الأول الف على مكاتب الكاستينج.. مشهد هنا ومشهد هناك وجمهورى بيكبر.. عندي سبعين سنة وناقص على تحقيق أحلامي سنتين وخايفة أموت قبل ماحققه.
عارفة عبد الرسول: خايفة يحصل حرب توقف الدنيا
وتابعت عارفة عبد الرسول: لو موت عادي قدر الله وما شاء فعل.. خوفي الأكبر أن يحصل حرب توقف الدنيا ولذلك عمرى ما اعلق على بوست سياسى عند اصدقائي اللى بيصرخوا ويحللوا.. يلاقونى مشيرى فيديو لطيف أو بوست ساخر يفتكروا انى مش متعاطفه وناسيه.. الحقيقه انا باتناسى.. اللهم احفظ مصر عشان خاطر بنتك الغلبانة.
