علقت الفنانة فيدرا، على اكتئاب كلب بعد وفاة صاحبه في حادث سير، وحذرت أصدقائها من ترك حيواناتها بعد وفاتها، خلال منشور عبر حسابها على موقع التواصل الاجتماعي "فيس بوك".

الكلب الجيرمن شيبرد الأسود فقد صاحبه وأقرب إنسان ليه 

ونشرت فيدرا صورة للكلب وعلقت عليها قائلة: "الكلب الجيرمن شيبرد الأسود (أنوبيس) فقد صاحبه وأقرب إنسان ليه في حادثة عربية مؤلمة، وبعد 3 أيام قدر يرجع البيت لوحده، دلوقتي هو حزين ووحيد، وإحنا بندور له على أسرة طيبة تتبناه وتعوضه عن الفقد والوجع اللي مر بيه، حاليًا أنوبيس قاعد لوحده في البيت، وأخت صاحبه بتيجي له مرة في اليوم علشان تأكله وتطمن عليه، ياريت تساعدونا نلاقي له بيت مليان حب وحنان يفتح له قلبه ويحتويه في الظروف الصعبة دي".

وتابعت: "ملحوظة ولو سمحتوا، قولوا لأصحابي وأهلي إنه لو مت فجأة وماخدوش حيواناتي عندهم واهتموا بيها، هرجع أطاردهم وأرعبهم بطريقة عمرهم ما ينسوها".