ردت النجمة هند صبري خلال ندوتها ضمن فعاليات رابع أيام مهرجان الجونة السينمائي على منتقدي مهرجان الجونة وانطلاقه وسط الأحداث في العالم العربي، وأكدت هند صبري في حديثها على أهمية مهرجان الجونة السينمائي وتأثير السينما وصناع السينما على الأحداث في العالم، ومن ناحية أخرى كشفت هند صبري عن بدايات مهرجان الجونة والتحديات التي تواجههم في كل عام، ونرصد في السطور التالية أبرز تصريحات هند صبري في ندوتها بمهرجان الجونة.
هند صبري تتحدث عن بدايات مهرجان الجونة: كنا متخوفين في البداية من الجونة.. لكن مع الوقت شوفنا التطور الكبير
انعقدت منذ قليل ندوة هند صبري ضمن فعاليات رابع أيام مهرجان الجونة السينمائي 2024، وحاور هند صبري خلال الندوة التي يرصدها موقع تحيا مصر اللبناني شادي زين الدين وذلك بحضور عدد كبير من نجوم وصناع الفن والسينما، وتحدثت هند صبري خلال الندوة عن تفاصيل وبدايات مهرجان الجونة السينمائي والتحديات التي واجهت المسؤولين عنه كما كشفت عن المخاوف التي واجهتهم في البداية من إقامة المهرجان في مدينة الجونة، وقالت هند صبري وفقًا لما يرصده موقع تحيا مصر: “لما قالولي عايزينك في اللجنة الاستشارية في المهرجان وكلموني أول سنة قالولي بنفكر نعمل مهرجان إقليميًا وعالميًا وافقت لأني حسيت الجونة مكان ممتاز وفي الأول كنا متخوفين من انها مدينة ساحلية مش بتاعت مهرجانات ولا سينما ومفيش قاعات لكن لما شوفنها بعد شوية وشوفنا التطور و الفرق في الحضور وتجهيز القاعات والعطش عند الناس انهم يجوا يشوفوا الأفلام ولما اتعمل سيني جونا أهم حاجة في المهرجان بالنسبالي كل ده شجعنا”.
هند صبري ترد على منتقدي مهرجان الجونة: عايزين يمحوا تأثيرنا.. ومش الفساتين اللي صنعت مهرجان الجونة
تابعت النجمة هند صبري حديثها خلال ندوتها ضمن فعاليات مهرجان الجونة وردت على مهاجمي مهرجان الجونة ومهاجمي الفنانات والإطلالات في المهرجان، وأشارت إلى أهمية المهرجان وأهمية صناعة السينما وتأثيرها في أحداث العالم، وقالت هند صبري: “بعيدًا عن الفساتين هي حاجة كويسة لكن اللي عمل مهرجان الجونة الناس اللي بتعمل أفلامها وتعرضها ورغم التحديات الكبيرة اللي بنقابلها كل سنة بنحاول نعمل اللي علينا وفي ناس بتحب تنتقد كل حاجة وبيقولولنا انتوا فاضيين احنا عشان اللي بيحصل لازم نعمل مهرجان سينما هما عايزين يمحوا تأثيرنا هو ده تأثيرنا احنا هنا نافذة على الأفلام اللبنانية والفلسطينية احنا هنا بندعم بعض”.
تفاصيل ندوة هند صبري في مهرجان الجونة 2024
انعقدت ندوة هند صبري ضمن فعاليات مهرجان الجونة الدورة السابعة بمدينة الجونة، ودار الحوار مع هند صبري اللبناني شادي زين الدين وتحدثت هند صبري خلال ندوتها عن أسرار وتفاصيل في حياتها الشخصية والمهنية وتحدثت عن كواليس أعمالها الهامة وبداياتها في مجال الفن وجوانب عدية كما كشفت عن كواليس تعاونتها مع كبار نجوم الفن.
