أشاد الفنان أحمد الفيشاوي بالكوميديان الكبير سمير غانم وذلك خلال منشور نشره عبر حسابه الرسمي بموقع تبادل الصور والفيديوهات انستجرام، مشيرا إلى فخره الشديد بكون سمير غانم عمه.
أحمد الفيشاوي: سمير غانم أعظم كوميديان في تاريخ البشرية
وأعاد الفنان أحمد الفيشاوي نشر فيديو من أحد أعمال الفنان الكبير الراحل سمير غانم، يستعرض من خلاله كوميديته الكبيرة وذلك عبر حسابه الرسمي بموقع تبادل الصور والفيديوهات انستجرام في منشور رصده موقع تحيا مصر، وعلق عليه قائلا: الأستاذ الكبير سمير غانم احسن كوميديان في تاريخ البشرية، أنا فخور أنك عمي ربنا يرحمك يا حبيبي.
آخر تصريحات الفنان أحمد الفيشاوي
وكانت قد حل أحمد الفيشاوي ضيفا على احدى برامج البودكاست، حيث فتح قلبه خلال هذا البرنامج وظهر في حديثه اعتراف شديد بما يدور في نفسه وذهنه وكيف أنه متصالح مع نفسه بشدة، حيث تحدث عن حياته قائلا: أنا اتولدت في الهبل وفضلت عايش فيه لحد 35 سنة، أبويا وأمي نجوم كبار فعلى طول في حفلات وتصوير ومؤتمرات فكانت حياتي كلها زحمة وعشوائية فاتغيرت بسبب خالي ونصيحة والدي وعشان اخد بالي من أمي.
وتابع أحمد الفيشاوي كاشفا عن نصيحة والده قبل وفاته: قالي خلي بالك من سنانك وكرشك.. سنانك عشان متتألمش زي مأنا بتألم دلوقتي وكرشك عشان تبقى مناسب لأي دور.
أحمد الفيشاوي: كنت بحاول أعمل عيلة وفشلت
وعن تعدد عدد زيجاته، قال أحمد الفيشاوي: أنا كنت بحاول اعمل عيلة وفشلت، اتجوزت خمس مرات بحاول اعمل عيلة وفشلت، فقولت أعيش لوحدي وأربي نفسي، عشان أنا مش راجل عائلي، أنا بيتوتي مش عائلي يعني أقعد في البيت من غير دوشة، وكنت عايزة أكون أسرة عشان في عادات وتقاليد موجودة في العالم كله محدش بيختلف عليها وحاولت اعملها 5 مرات وفشلت، ومش هفكر في الجواز تاني، كنت ببقى قاعد على الكنبة مش بقوم لحد ما اكتشفت إني بضيع مستقبلي واسم عيلتي والدنيا هتبوظ، وأوقات كنت ببقى كاره نفسي ومكسوف منها.
وبعد هذا اللقاء اقترب ولمس عدد كبير من الجمهور شخصية الفنان أحمد الفيشاوي الحقيقية، وأشادوا به على مواقع التواصل الاجتماعي المختلفة.
