طالب الفنان محمد على رزق، باتخاذ الإجراءات القانونية، ضد بعض المصورين الذين يحرصون على تصوير الفنانين في جميع المناسبات ونشر الفيديوهات بصورة منتهكة للخصوصية.
محمد على رزق يطالب بأخذ الإجراءات ضد بعض المصورين
وكتب الفنان محمد على رزق، منشورا يطالب من خلاله اتخاذ الإجراءات القانونية ضد بعض المصورين، وفقا لما رصده موقع تحيا مصر، عبر صفحته الرسمية على موقع التواصل الاجتماعي فيسبوك قائلا: كمية الناس إللي معاها موبيلات و بيحضروا أي مناسبة فيها فنانين…بيقعدوا يصوروا فيهم و ينزلوا reels مكتوب عليها أي عنوان يثير الفضول علشان يعملوا مشاهدات على صفاحتهم بقت مخيفه…أتمنى يبقى فيه حل قانوني لقفل الصفحات دي…أو للقبض على الناس دي …علشان بصراحة الموضوع زاد عن حده أوي…علشان العناوين بقت قمة في السفالة و بقى فيه إختراق خصوصية بشكل مخيف.
وتابع محمد على رزق في منشوره: وأتمنى إن إتحاد النقابات الفنية التلاتة و نقابة الصحفيين يجتمعوا و يقدموا بلاغ… علشان الصحفيين أول ناس سمعتها بتّضر بسبب الناس دول، الناس دي بتستخبى وسط الصحفيين المحترمين إللي أغلبهم أصدقائنا.
محمد على رزق يتحدث عن والده
وفي سياق آخر، تحدث الفنان محمد علي رزق عن والده، خلال لقاء سابق، موضح انه كان نموذج للرجل العصامي حتى أصبح مالكًا لأكبر محلي كشري في منطقة وسط البلد، موضحًا سبب رفض والده دخوله عالم التمثيل.
وقال محمد علي رزق خلال: بعد وفاة أبويا الله يرحمه بقى كل حاجة في حياتي ناقصها حتة، وديه سنة الحياة، ووقت ولادة ابني يحيى كنت محتاجه وبقول هو فين؟ ووقت جوازي كنت داخل بدور عليه وسط الناس.
وأضاف: والدي كان راجل يجهل القراءة والكتابة وده شيء لا يعيبه وعنده ذكاء الفطرة، وهو مثال حي ونموذج للإنسان العصامي اللي بنى نفسه بنفسه، بدأها كعامل بيكنس في الكوافيرات إلى أن أصبح مالك لمحل كشري كبير في وسط البلد.
آخر اعمال محمد علي رزق
والجدير بالذكر أن آخر اعمال الفنان محمد علي رزق، هو مشاركته في مسلسل فات المعاد، بطولة الفنانة أسماء أبو اليزيد، والفنان أحمد مجدي، والذي تم عرضه خلال الفترة الماضية.
0 تعليق