حرص الفنان محمد فؤاد على الاحتفال بـ افتتاح المتحف المصري الكبير، والاشادة بالحفل الذي أقيم في مساء أمس السبت بحضور الرئيس عبد الفتاح السيسي، وعدد من قادة الدول في العالم.
محمد فؤاد يحتفل بـ افتتاح المتحف المصري الكبير: فصل جديد
وكتب محمد فؤاد في منشور رصده موقع تحيا مصر على حسابه الرسمي بموقع تبادل الصور والفيديوهات انستجرام: مصر بتكتب فصل جديد من تاريخها العظيم، افتتاح المتحف المصري مش بس حدث. ده حكاية وطن بيحافظ على روحه.. شكر كبير لكل اللي اشتغلوا وتعبوا علشان الحلم ده يبقى حقيقة.
وكان قد تحدث الفنان أحمد عز أيضا عن هذا الافتتاح قائلا: احنا بلد تاريخ وحضارة، ومصر قررت تفتح فصل جديد في الأكاديمية المصرية لعلوم الحضارة، والمتحف المصري دا للي عايز يتعلم يعني إيه حضارة وصمود.. فخور إني مصري، وسعيد بالحفاوة والاستقبال والتقدير، ويارب يديمها علينا وعلى الأمة العربية كلها، لأن نجاح مصر هو نجاح للأمة العربية ونجاح أي دولة عربية هو نجاح لمصر.
محمد فؤاد وأزمته مع عمر كمال
يذكر أن محمد فؤاد كان قد تصدر التريند في الفترة الماضية، وذلك بعد أزمة إعطاء ألبومه إلى مطرب المهرجانات الشعبية عمر كمال، حيث اتهم الأخير بسرقة الألبوم منه، بعد رفض محمد فؤاد العمل عليه بسبب خلاف بينه وبين شركة الإنتاج.
ورد عمر كمال على تلك الأزمة، قائلا: ليه عمر ميكونش فؤاد جديد مش عيب، الألبوم فعلا كان بتاع محمد فؤاد بس لما جالي مكنتش أعرف في الأول عرفت بعد ما سجلت أول أغنية، أنا منطتش على الألبوم سرقته، فؤاد هو اللي رفضه وعمل مشكلة مع المنتج وضحى بكل الاسماء دي وكل الاغاني الحلوة دي.
عمر كمال يوجه رسالة مؤثرة لـ محمد فؤاد
وكان قد وجه عمر كمال رسالة مؤثرة لـ محمد فؤاد، قال فيها: أنت أستاذى وحبيبى … وانا مش انجح منك ع اليوتيوب ولا انجح منك ف اى حتة … أنا مجيش اغنية جوه ألبوم من ألبوماتك … انت الوحيد اللى عارف أنا بحبك وبحترمك ازاى … عندى 36 سنة .. منهم 30 سنة بحبك وبلف وراك حفلاتك ف بلاد ربنا وكنت فعلا بروحلك عند الاستديو وبيتك وانا سنى 14 سنة.
وتابع: كنت استنى لحد الفجر عند محلات الكاسيت استنى شريطك ينزل عشان اشترى نسخة شريطك الماستر اللى محفور عليه اسم شركة الانتاج عشان احس انى ساهمت ف نجاحك ف كتر المبيعات .. صوتك كان بياخدلى حقى من الدنيا .. كان بياخدلى حقى من اللى سابتنى .. وكان ونسى ف خدمتى ف الجيش .. وكان معايا ف كل مراحل حياتي.
0 تعليق