قال حاتم النجيب، نائب رئيس شعبة الخضر والفاكهة بالغرفة التجارية، إن تأثير زيادة أسعار الوقود لن ينعكس على أسعار الخضر والفاكهة في الوقت الحالي، موضحًا أن الموسم الشتوي الحالي اكتمل محصوله، ولا توجد أي مشكلات في المعروض أو الأسعار.
وأوضح "النجيب"، خلال مداخلة ببرنامج كلمة أخيرة، مع الإعلامي أحمد سالم، أن الزيادة المتوقعة في التكلفة، نتيجة زيادة الوقود، ستظهر خلال الموسم الصيفي المقبل، نظرًا لأن السولار يمثل عنصرًا أساسيًا في عملية نقل المنتجات الزراعية، مشيرًا إلى أن الشعبة تجري دراسات ميدانية لرصد التكاليف الفعلية قبل إعلان الأسعار الجديدة للموسم القادم.
وأكد نائب رئيس شعبة الخضروات، أن حركة النقل تسير بشكل طبيعي دون أي معوقات، وأن الزيادات الحالية طفيفة جدًا، تتراوح بين 3 و5% فقط، مشيرًا إلى أن أسعار الخضروات مستقرة حتى الآن، بل شهدت بعض الأصناف مثل الطماطم تراجعًا في الأسعار بالسوق المحلي.

الرئيس السيسي يعلق على زيادة الوقود

وقال الرئيس عبدالفتاح السيسي، إن الأموال التي تدفعها الحكومة لدعم أسعار الوقود "من السلف".
وأضاف الرئيس خلال الندوة التثقيفية للقوات المسلحة بمناسبة ذكرى أكتوبر، اليوم: "الفرق بين سعر الوقود ودعمه رقم أقل من اللي بتقول عليه ده، صحيح، بس انت عارف إني بدعم الوقود ده بالسلف، فالجنيه اللي بحطه في الوقود ده، مش جنيه، ده جنيه مضاف إليه السلف، اوعوا تتخلوا عن مسؤوليتكم في تغيير الواقع، اوعوا، لازم ناخد بالأسباب وبالجهد والتحمل".
وأكمل "السيسي": "يعني لو موازنتي مليار جنيه، ومعايا 900 مليون، هستلف 100 مليون، طب السنة اللي بعدها، المليار بقوا مليار و900 مليون، والمسألة مش بتتحل، عشان أنا خايف، المسألة لازم تتحل، هنعاني، لكن بفضل الله، الموضوع ده هيتحل، ومتخافوش على مصر، وأنا والله مش بجامل، بس ده عشم، عشم في الله، لازم اللي احنا فيه ده بفضل الله يتغير".
وتابع: "ممكن ناس كتير تقعد تتكلم، وأنا مقدر الكلام، بس اللي ميعرفش يذاكر".
واختتم السيسي: "هو مالك الملك ولا؟ مالك الملك؟ ردوا عليَّ كلكم، هو الناس نسيت ياعيني من كثرة الأحداث، إن الوجود له صاحب، هو مش قادر يعطينا؟ قادر، لكن إنك تجتهد لتغيير الواقع، ده اختبار، أنا عشمان في ربنا، واللي بعمله محاولة مني أنا وزملائي لتحديات بقالها سنين كتيرة، ومش بسيء لحد، لا والله، بس لازم نكون متفهمين لده، مفيش احنا وانتوا، فيه احنا، دي بلدنا".