قالت نوال الدجوي الصغرى ابنة أحمد الدجوي، أن سمعة والدها تشوهت بعد اتهامه وعمها بسرقة أموال جدته والتي برأته منها جهات التحقيق، مؤكدة على أنها لن تترك حق والدها.
ابنة أحمد الدجوي تكشف تفاصيل جديدة بشأن خلافات العائلة
وقالت ابنة أحمد الدجوي خلال حسابها علي موقع التواصل الاجتماعي إنستجرام: محامي جدتي اتهم أبويا وعمي إنهم خدوا فلوسها من البيت، واتقال عليهم إنهم سرقوها! والناس كلها والصحافة والميديا اتكلمت وقتها على الموضوع ده، والتهمة دي وجعت قلب أبويا جدًا، الله يرحمه.
وكتبت: النيابة حققت، وبعد أكتر من 25 يوما، طلعت النتيجة: أبويا وعمي أبرياء وماخدوش ولا مليم أنا كبنته من حقي أعرف مين اللي فعلًا سرق الفلوس؟ ومين اللي ظلم أبويا واتهمه كذب؟ ومن حقي كمان أعرف ليه جدتي ما بتشفناش ولا بتسأل علينا ولا حتى تكلمنا؟
وتسائلت نوال الدجوي:"ليه فجأة نسيت ولاد حفيدها احمد الدجوي؟ ليه نسيت نوال الدجوي الصغيره اللي شايله اسمها ؟ في حاجة غلط دي مش طبيعة ماما نوال اللي أنا أعرفها وعشت معاها وأنا صغيرة. وليه محاميها تنازل عن المحضر؟! التنازل ده كان لمصلحة مين؟
نوال الدجوي: هفضل ورا الموضوع ده لحد ما أرجّع حق أبويا
وأردفت ابنة أحمد الدجوي: هي دلوقتي الفلوس اللي اتسرقت منها خلاص مش فارقة معاها؟ طب كانت اتهمت أبويا ليه؟ طب وكرامة أبويا اللي اتشوهت قدام الناس؟ ماحدش فكر يردّ له اعتباره زي ما اتهموه؟.
ورأت أنه هناك شئ غامض، قائلة:" فيه حاجة مش مفهومة بس أنا مش هسكت هفضل ورا الموضوع ده لحد ما أرجّع حق أبويا، وأكشف الحقيقة كاملة ولو مرجّعتش حقه ما أستحقش أشيل اسمه".
وفي وقت سابق، كتبت نوال ابنة أحمد الدجوي، منشور على صفحتها الشخصية على موقع فيس بوك، رصده موقعتحيا مصر، أرفقته بمقطع فيديو قصير،: إذا كنتم منتبهين، هتلاحظوا إني مش بتكلم عن اللي حصل. ليه بيسكتوني؟ ليه مش عايزين يسمعوا اللي عندي؟ أبويا اتقتل، ومش قادرة حتى أقول الحقيقة عن اللي حصل.
وأضافت قائلة: ليه مش مسموحلي أوري العالم مين الشخص اللي أخدوه من عيلتي، ومن الدنيا؟ همّا قتلو مستقبله، وقتلوني معاه. قتلوا أملي، وأحلامي، وأكتر حاجة موجعاني إن أختي هتعيش حياتها من غير ما تعرف أبوها، من غير ما تعرف بجد قد إيه كان حنون، وكريم، وبيشتغل بكل طاقته.
