ونشرت هادية عبر حسابها الرسمي بـ«فيس بوك»، فيديو لها مع والدها، ولكنه على شكل لقاء إعلامي أجراه والدها مع أحد مقدمي البرامج، وقالت هادية عنه إنه مقلب، والغرض منه توجيه بعض الأسئلة لوالدها ومعرفة إجاباتها وهي ليست أمامه، وبالفعل أخبرت المُقدم بالأسئلة التي تريد توجيهها لوالدها، وبدأت تستمع إجاباته، وهي تضحك وتوجه المزيد من الأسئلة.
وبدأت هادية الفيديو قائلة: «بحبك يا بابا، ميرسي يا حببتي، أنا هادية وإحنا عاملين مقلب في بابا، وإحنا محضرينله أسئلة أنا عايزه أسألهاله بس مش عارفة أسأله إزاي، يلا بينا نشوف قال إيه».
وقال والدها خلال اللقاء: «أنا مش بضغط على هادية عشان تنجح، بس بفكرها دائمًا إن الإنسان ممكن يقع، وأنا ضغطت عليها بس في الرياضة، وهي فيها مني الهارد وورك، وأنا في البداية كنت معترض تمامًا على البراند بتاعتها، وهي اللي أصرت».
وتابع: «أنا كنت مرعوب عليها، وأنا كنت معترض على اللوجو بتاع البراند، وكنت خايف الناس تظلمها، وهي كان عندها ثقة في نفسها، وهي عيطت مرة وقالتلي اني واقف في طريقها ومش بساعدها، لكن الحقيقة إني كنت خايف عليها».
