حرصت الإعلامية ياسمين عز على توجيه مجموعة من النصائح للسيدات كعادتها وذلك بمناسبة العام الجديد، مشيرة إلى بعض الاشياء التي يجب أن تتجنبها السيدة مع زوجها في بداية العام الجديد للتمتع بسعادة زوجية كبيرة، منها بعض الاسئلة مثل أين أنت، ماذا تفعل وغيرها.
ياسمين عز: اصبغي شعرك أحمر لجوزك.. نبيلة عبيد مش أحسن منك في حاجة
قالت ياسمين عز في برنامج كلام الناس المذاع على قناة mbc مصر في تصريحات رصدها موقع تحيا مصر: اصبغي لجوزك شعرك أحمر او نبيتي زي نبيلة عبيد هي مش أحسن منك في حاجة.. عينيه هتزغلل واعمليله سحلب بالمكسرات والبسيله دفاية وحطيله سجادة حمرا في مدخل الباب زي الريد كاربت.. اسر ياسين مش أحسن منه في حاجة، ونيمي عيالك بدري هو مش ناقص وجع دماغ في السنة الجديدة أو اشحنيهم عند أمك.
وتابعت ياسمين عز حديثها: في السنة الجديدة اعملي لجوزك أكل بجميع الاشكال والأنواع ولا انتي بتعملي في العزومات بس، وقولي لجوزك انا خاسة بسببك 5 ك كل أما أبص لوشك أشبع وأما بحب أحلي بسمع صوتك .. صوتك أطعم من القشطوطة أما بسمعه كدة ببقى مبسوطة.
ياسمين عز: متتنفسيش وجوزك نايم
وأضافت ياسمين عز في حديثها: مشي بيتك بالفلوس اللي جوزك يديهالك وقوليله انت الخير والبركة واللي مقوينا على الدنيا دي.. قوليله أنا بتحدى العالم كله وأنا وياك خدي من صابر الرباعي واديله ولو نايم تسيبيه نايم.. ليه بتشغلي الغسالة 7 الصبح المسحوق عنده مشوار.. وانتي معدية جنبه وهو نايم تمشي على طراطيف صوابعك ومتنفسيش وانتي بتصحيه تنعمي صوتك وتغنيله أما يفتح عينه يا حلو صبح أو صباح النور على البنور لما يزقزق العصفور.
واستكملت ياسمين عز حديثها للفتيات: في السنة الجديدة الصحبة الجدعة هي اللي تجوزك أخوها غير كدة أقطعي علاقتك بيها، والراجل اللي بينور الست مش شغلها.. شغلها ده أما تكوني بتقبضي 2 مليون جنيه، البنت اللي مش متجوزة في رأس السنة البسي دفيتك وغطي ضهرك وبطنط ودفي نفسك كويس عشان مفيش حد هيدفيكي.
برنامج كلام الناس
جدير بالذكر، أنه يذاع برنامج كلام الناس عبر قناة mbc مصر وتستضيف ياسمين عز خلال حلقات البرنامج عدد من الضيوف في مختلف المجالات وتحاور ياسمين عز ضيوفها عن تفاصيل في حياتهم ويصرحون تصريحات يكشفون عنها للمرة الأولى، واعتادت ياسمين عز بمواسم برنامج كلام الناس أن تتصدر التريند وتلفت الأنظار إليها بتصريحاتها المثيرة للجدل، كما تحرص ياسمين عز على استضافة الفنانين الغائبين عن الساحة منذ سنوات طويلة وتحاورهم عن سبب غيابهم.
