اشتكى الفنان محمد صلاح آدم من قلة مشاركته في الأعمال الفنية، وذلك من خلال منشور عبر حسابه الشخصي على موقع التواصل الاجتماعي فيسبوك.
محمد صلاح آدم يشكو من قلة العمل
وكتب محمد صلاح آدم في منشوره الذي يرصده موقع تحيا مصر: طيب بالنسبة للناس الكتير اللي بتقابلني وتقولي انت فين يا فنان انت موهوب قوي وصادق وبنحبك ليه مش بنشوفك في التليفزيون بالسنين وبيجيبوا اللوم عليا اني مش بسعى ومش بكلم المخرجين والمنتجين عوجان مني.. والله العظيم انا بسعى وبكلم المخرجين والمنتجين ومساعدي الاخراج والمنتجين الفنيين واكاسينج دايريكور ولغاية من يومين بروح اعمل اوديشين اللي هو تيست كاميرا و 90 % منهم مش بيردوا اصلا على الموبايل ولا حتى واتساب.
وتابع: طيب اقولكوا حاجة اقسم بالله انا كنت حانتحر في وقت كان صعب جدا عليا نفسيا لولا وقوف بعض الاصدقاء جنبي ورجعوني للحياة تاني واولهم الدكتور أشرف ذكي .. انا ثقتي في ربنا كبيرة ومتأكد انه الميعاد المناسب اللي هو حايختاره .. وكل مخرج ومنتج ومؤلف وحتى منتج فني سعيتله وكلمته علشان اشتغل معاه ومردش عليا اقسم بالله هو اللي خسران.
محمد صلاح آدم يتعرض لوعكة صحية
وسبق وأن أعلن محمد صلاح آدم تعرضه لوعكة صحية، وذلك من خلال منشور عبر حسابه الشخصي على موقع التواصل الاجتماعي فيسبوك، كتب فيه: أقسم بالله كان بيني وبين الموت لحظة.. كنت سهران مع صحابي وراجع على المحور وفجأة من غير مقدمات الدريكسيون بتاع العربية راح شمال.. لاقيت نفسي بخبط في السور المسلح اللي في نص، العربية كانت هتتقلب لولا ستر ربنا إني ماسك الدريكسيون كويس.. نزلت لاقيت الجنط مكسور والكاوتش متفرتك.. أنا مش بصدق قوي في العين، لكن العين حق، ربنا يسترها علينا وعليكم.. الموت ممكن ييجي في لحظة.
أخر أعمال محمد صلاح آدم
ومن الجدير بالذكر أن أخر أعمال محمد صلاح آدم فيلم الاسكندراني والذي تدور أحداثه في قلب محافظة (الإسكندرية)، حيث يمر (بكر الإسكندراني) بالعديد من الصراعات مع والده وابن عمه وحبيبته؛ فيقرر السفر إلى الخارج بحثًا عن حياة جديدة، وحينما يعود بعد تحقيق ذاته تعود الصراعات فتطارده مجددًا.
وشارك في بطولة الفيلم عدد كبير من النجوم والنجمات، منهم: أحمد العوضي، بيومي فؤاد، زينة، حسين فهمي، صلاح عبد الله، محمود حافظ، وغيرهم، والفيلم من تأليف أسامة أنور عكاشة، وإخراج خالد يوسف.
