"محدش قصر".. رسالة أفشة إلى جماهير الأهلي بعد الخسارة أمام باتشوكا

بعث محمد مجدي أفشة، صانع ألعاب الفريق الأول لكرة القدم بالنادي الأهلي، برسالة اعتذار إلى جماهير القلعة الحمراء عقب الخسارة أمام باتشوكا المكسيكي في نصف نهائي كأس الإنتركونتيننتال.

ونشر أفشة عبر ستوري إنستجرام "أنا عارف انكم زعلانين، ما هي حاجه تزعل بصراحة كانت فرصة كبيرة نحط الأهلي في المكانة إلى يستحقها".

وأضاف "بعتذر جدا كنت أتمني نكسب والله بس مفيش نصيب ضربات الجزاء لعبة حظ والكرة كانت قريبه.. محدش قصر في الماتش نفسه وكنا قريبين نخلص لكن هيا دي الكرة.. الموسم السنه دي صعب جدا عندنا أفريقيا بعد يومين وبعدين ضغط الدوري بدون مساندة ودعمكم زي العادة هيبقي موسم صعب.. ع الحلوه والمره معاه، تقبلو أسفي وإن شاء الله نرجع نفرحكم".

وكان خسر الأهلي أمام باتشوكا المكسيكي بنتيجة 6-5 بركلات الترجيح بعد انتهاء الوقتين الأصلي والإضافي بالتعادل السلبي ليخسر الفريق بطولة كأس التحدي.