أعلن الفنان إدوارد إصابته بـ شلل في المعدة بسبب حقن التخسيس وذلك بعد أيام قليلة من تصريحات الفنانة منى فاروق وحديثها عن حقن التخسيس هي الأخرى وإصابتها بعد استخدامها بشلل مؤقت في المعدة، وأكد إدوارد على خطر هذه الحقن وتحدث عن تجربته معها مشيرًا إلى أنه يروي تجربته لينصح جمهوره ومتابعينه ألا يستخدمون هذه الحقن إلا باستشارة طبيب تغذية حفاظًا على سلامتهم، ونرصد في السطور التالية حديث إدوارد وتحذيره من حقن التخسيس.
إدوارد يكشف تجربته مع حقن التخسيس
أرفق الفنان إدوارد منشور عبر حسابه الرسمي على موقع التواصل الاجتماعي فيسبوك يرصده موقع تحيا مصر أعلن من خلاله إصابته بشلل في المعدة بسبب حقن التخسيس وحذر جمهوره من استخدام حقن التخسيس، وقال إدوارد: “كلام مهم جدا.. انا كنت باخد حقن التخسيس تحت إشراف دكتور تغذية ونزلت حوالي ١٥ كيلو كنت باخد حقن تخسيس الدكتورة نصحتني بيها بس مشكلتها بتتاخد كل يوم في المعدة بس ميزتها اننا نقدر نتحكم في الجرعات عشان مانتعبش ووصلت الوزن اللي انا عايزه ودخلنا في مرحلة التثبيت”.
وتابع إدوارد حديثه الدكتورة طلبت مني اروح لدكتور جهاز هضمي أعمل تحاليل ونطمن بس انا طنشت وقولتلها أنا هاخد حقن أسبوعية بدل اليومية عشان تعبت من كل يوم حقنة وفي ناس نصحوني بالتروليستك لانها أسبوعية ومش قوية زي المونجارو فضلت أخد التروليستك لمدة أسابيع كل اسبوع حقنته وكانت تمام معايا وكانت بردو دكتوره التغذية بتسألني على التحاليل كل فترة وكنت بطنش لأني تمام مش حاسس بحاجه وكمان لا كنت بتخن ولا بخس وباكل عادي طبعا برده مواظب على دايت مع الدكتوره لحد الاسبوع اللي فات فجأة مش جعان خالص وقعدت حوالي 4 ايام مش بدخل حمام ولا قادر اكل ووجع في معدتي جامد".
إدوارد يعلن إصابته بشلل في المعدة
دكتورة التغذية قالتلي وقف الحقن وروح لدكتور جهاز هضمي فورا وعملت كده روحت لدكتور قالي حصلي شلل مؤقت من الحقن في المعدة وكان مفروض تتابع معايا مع دكتورة التغذية قولتله انا اللي كنت بطنش عشان كنت تمام قالي الحقن مش وحشه ومفعولها كويس بس انا بنصح اقصاها شهور بس تاخدها وتوقف فترة وارجع تاني بس لازم طبعا بردو متابعة مع دكتور تغذية".
واختتم حديثه: “من غير ما طول عليكم أنا بقالي اسبوع بتعالج وعملت كل التحاليل حتي صبغه على الكلى والحمد الله معنديش غير شبيه في زيادة الأملاح زي كل المصريين بطني بتتحسن واحده واحده ولسه المعدة وجعاني والدكتور قالي من لـ ۹ ايام ترجع عادي وان شاء لله هبقى كويس انا حكتلكم تجربتي.. عشان بقولكم ان الحقن مش وحشه وجابت نتيجة هايلة معايا بس لازم مع دكتور التغذية دكتور جهاز هضمي وكمان دكتور قلب لو امكن عشان سرعه ضربات القلب اتمني اكون فدتكم معلوما كويسه عن تجربتي وربنا يشفي اي حد تعبان.. واشوفكم دايما كويسين”.
