كشف المخرج ماندو العدل عن آخر الرسائل بينه وبين الملحن الراحل محمد رحيم والذي توفى في فجر يوم السبت المنقضي بعد تعرضه لأزمة مرضية في أيامه الأخيرة، مشيرا إلى أنه كان يوصيه دائما بالذهاب إلى طبيب القلب ولكن قلبه لم يتحمل قسوة الدنيا وتركه وغادر الحياة.
ماندو العدل يكشف آخر رسالة بينه وبين محمد رحيم
وأعاد ماندو العدل في منشور عبر حسابه الرسمي بموقع التواصل الاجتماعي فيسبوك ورصده موقع تحيا مصر، اخر محادثة بينه وبين الراحل محمد رحيم، وعلق عليها قائلا: آخر رسايل بينا كان بيوصيني اروح اتابع مع دكتور عماد عوض دكتور القلب اللي بيعالجنا احنا الاتنين .. قلبك مستحملش الدنيا وقسوتها انت اللي روحي و قلبي وأكتر من أخ يا رحيم.
ماندو العدل عن محمد رحيم: اللي موتوه دلوقتي بيمجدوه
وحرص ماندو العدل على ذكر تاريخ محمد رحيم الفني، قائلا: رحيم الله يرحمه عنده مكتبة موسيقية فيها الاف الالحان اللي محدش غناها .. تحف حقيقية .. مش اقل حلاوة ابدا من اغانيه و الحانه اللي نجحت و الناس تعرفها .. اتمني حد يهتم بالموضوع ده و يلاقوا طريقة يسمعوا بيها الالحان و تتغني و الناس تسمعها و تستمتع بيها .. و اراهن ان الاغاني قادرة تنجح نجاح كبير بقدر موهبته الكبيرة.. يا حبيبي يا رحيم يارب تكون مبسوط عندك بقدر ما متعتنا.
واختتم حديثه، قائلا: اللي موتوه دلوقتي بقوا بيمجدوه و مهتمين بيه نفوس عرة وزمن اسود.. يارب خرجنا منها ها. خير يارب.
ماندو العدل: قدروا الموهوبين مش لازم يموتوا عشان نفتكرهم
وسبق وقال ماندو العدل بعد رحيل محمد رحيم: الحقوا الشطار اللي مش واخدين حقهم، اللي حققوا نجاحات فعلا و محدش بيتكلم عنهم وش لازم يموتوا عشان نفتكرهم النجاح ابو fake trend ده بيقهر ناس.. بيموت ناس ودايمًا التقدير أهم شئ للفنان الحقيقي.
وكان قد رحل محمد رحيم عن عالمنا في فجر يوم السبت المنقضي وذلك بعد تعرضه لأزمة مرضية في الفترة الأخيرة، وشك شقيقه في وجود شبهة جنائية في وفاته وذلك بعدما اكتشف أنه متوفى منذ يومين بسبب بطنه المنتفخة ووجود كدمات في جسده ونزيف في الأنف، لذا استبعد أن تكون وفاته طبيعية.
