«ناس بتتطاول بشكل قليل الأدب».. أحد ممثلي «بودي جارد» يدافع عن المسرحية الأغلى في التاريخ

المصرى اليوم 0 تعليق ارسل طباعة تبليغ حذف

لاقتراحات اماكن الخروج

دافع الفنان شريف إدريس، أحد الممثلين المشاركين في مسرحية «بودي جارد»، عن المسرحية عقب تعرضها لانتقادات عدة، بعد عرضها مؤخراً على منصة «شاهد».

وقال إدريس، خلال منشور له على حسابه على «فيسبوك»: «أنا كممثل في عرض مسرحية بودي جارد وليا الشرف الكبير إني اشتغلت مع الزعيم.. مش من حقي أرد على أي انتقادات اتوجهت للمسرحية».

وأضاف: «حضرتك كمتفرج عجبتك المسرحية أو ماعجبتكش ده حقك الشرعي تماما ونقدك على راسي.. لكن الناس اللي بتتطاول بشكل قليل الأدب لازم أقولهم كلمتين مهمين».

وتابع إدريس: «أولاً مش أنا اللي هتكلم عن عادل إمام وتاريخ عادل إمام.. ثانيا أنا اشتغلت في المسرحية دي في يناير 2006 لحد ما قفلت في نهاية 2010، وكنا بنعرض صيف وشتا. .وسافرت مع المسرحية أكتر من بلد عربي».

وأوضح إدريس: «كنت بتخض من حجم الحضور لمسرحية مستمرة لمدة 11 سنة.. أيوه بتخض ده كان فيه جمهور حفظتهم من كتر ما بيحضروا المسرحية»، مشيرا إلى أن «هناك سفريات كنت بتخض من استقبال الزعيم في أي بلد بنروحها...وحجم الجمهور اللي بيحضر في أي بلد».

واستطرد قائلاً: «أقول لحضراتكم على حاجه مهمة كان فيه ناس بتيجي تتفرج مرة واتنين وتلاتة علشان بس يشوفو عادل إمام.. المسرحية دي نجحت بكل مقاييس النجاح في وقت عرضها».

وأردف: «مع اختلاف الزمن يمكن ماتعجبش حضرتك، بس للأسف اسمحلي أقولك إن حضرتك مش مقياس للنجاح والفشل، مع احترامي الشديد بدليل أنها أغلى مسرحية اتباعت في تاريخ المسرح.. ونجاحها أنا كنت بشوفه كل ليله بعيني، نجاحها اللي أهم من الفلوس، نجاحها الحقيقي في الجمهور اللي حضرها لمدة 11 سنة متواصلة».

واختتم إدريس قائلا: «حب الناس لعادل إمام وتاريخه اللي مافيش حد قدر يوصل لربعه ولا حد هيوصل.. من الآخر انتقد براحتك بس بأدب ونقدك على راسي. شكراً».

وشارك إدريس في المسرحية كأحد الأدوار الثانوية.

وتعرضت مسرحية «بودي جارد» لعدد من الانتقادات بعد عرضها على منصة «شاهد»، فيما وصفها الكثير من المتابعين على أنها أسوأ أعمال عادل إمام المسرحية.

facebook
  • الوضع في مصر

  • اصابات

    181,829

  • تعافي

    140,460

  • وفيات

    10,639

إخترنا لك

أخبار ذات صلة

0 تعليق